பொது இடத்தில் பெண் ஒருவருக்குத் தொல்லை கொடுத்ததாகக் கூறப்பட்ட நபரை ஒருவர் கன்னத்தில் அறைந்த வீடியோ சமூக வலைதளங்களில் பெரும் விவாதத்தைக் கிளப்பியுள்ளது. நெரிசல் மிகுந்த பகுதியில் பெண் ஒருவரிடம் அத்துமீற முயன்றதாகக் குற்றம் சாட்டப்பட்ட நபரை, துணிச்சலாக எதிர்கொண்ட ஒருவர் பொதுமக்கள் முன்னிலையில் அவரை அறைந்துள்ளார்.
இந்தச் சம்பவம் குறித்த வீடியோ எக்ஸ் தளத்தில் பதிவிடப்பட்ட நிலையில், பெண்களின் பாதுகாப்பு மற்றும் பொதுவெளியில் அவர்களின் உரிமை குறித்துப் பலரும் தங்களது கருத்துக்களைத் தெரிவித்து வருகின்றனர். அதேசமயம், அந்த நபர் தவறு செய்தாரா இல்லையா என்பது குறித்தும், தாக்கியது சரியா என்பது குறித்தும் நெட்டிசன்கள் மத்தியில் கடுமையான விவாதமும் கருத்து மோதல்களும் நிலவி வருகிறது.