கான்பூர் நவாப்கஞ்ச் பகுதியைச் சேர்ந்த 30 வயதான ராஜீவ் நிஷாத் என்பவர் மர்மமான முறையில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. வெள்ளிக்கிழமை அதிகாலை வீட்டில் தனியாக இருந்த அவரை, மனைவி அஞ்சலி மற்றும் அவரது பெற்றோர், சகோதரர்கள் ஆகியோர் சேர்ந்து சரமாரியாகத் தாக்கியதாகவும், வீட்டிலிருந்த நகை மற்றும் பணத்தை எடுத்துச் சென்றதாகவும் ராஜீவின் குடும்பத்தினர் பகிரங்கமாகப் புகார் தெரிவித்துள்ளனர். பலத்த காயங்களுடன் மருத்துவமனைக்குக் கொண்டு செல்லப்பட்ட ராஜீவை, அவர் ஏற்கனவே இறந்துவிட்டதாக மருத்துவர்கள் உறுதி செய்தனர்.
மனைவியின் தொடர்பு காரணமாக தம்பதியிடையே நீடித்து வந்த குடும்பத் தகராறே இந்த மோதலுக்குக் காரணம் என உறவினர்கள் தெரிவிக்கின்றனர். இச்சம்பவம் தொடர்பாக உயிரிழந்தவரின் பெற்றோர் அளித்த புகாரின் பேரில் நவாப்கஞ்ச் காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர். ராஜீவின் உடல் உடற்கூறாய்வு ஆய்வுக்கு அனுப்பி வைக்கப்பட்டுள்ளதாகவும், அதன் முழு மருத்துவ அறிக்கை வெளிவந்த பிறகே அவரது உயிரிழப்புக்கான உண்மையான காரணம் தெரியவரும் என்றும் காவல்துறையினர் தரப்பில் தெரிவிக்கப்பட்டுள்ளது.