ஹைதராபாத் நியூ பாபா நகர் பகுதியில் குடும்பத் தகராறு காரணமாக கணவனே மனைவியை கொடூரமாகக் கொலை செய்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. 32 வயதான அப்பெண்ணை, அவரது கணவர் ஆத்திரத்தில் கத்தியால் கழுத்தை அறுத்துக் கொலை செய்துள்ளார். இக்கொடூரச் செயல் அவர்களது மூன்று பிஞ்சு மகன்களின் கண்முன்னே அரங்கேறியிருப்பது அப்பகுதி மக்களை மிகுந்த சோகத்தில் ஆழ்த்தியுள்ளது.
மனைவியைக் கொலை செய்த பின்னர், குற்றம் சாட்டப்பட்ட அந்த நபர் அங்கிருந்து உடனடியாகத் தப்பி ஓடிவிட்டார். தகவலறிந்து சம்பவ இடத்திற்கு விரைந்து வந்த காவல்துறையினர் உடலைக் கைப்பற்றி பிரேதப் பரிசோதனைக்கு அனுப்பி வைத்தனர். மேலும், இச்சம்பவம் தொடர்பாக வழக்குப் பதிவு செய்து தீவிர விசாரணை மேற்கொண்டு வரும் போலீசார், தலைமறைவாக உள்ள குற்றவாளியைப் பிடிக்க தீவிர தேடுதல் வேட்டையில் ஈடுபட்டுள்ளனர்.