நம் அன்றாட உணவில் முக்கியப் பங்கு வகிக்கும் தயிரை ஃப்ரிட்ஜில் வைத்துச் சேமிக்கும் போது, அது எத்தனை நாட்கள் வரை பாதுகாப்பானது என்ற சந்தேகம் பலருக்கும் உள்ளது. வீட்டில் தயாரிக்கப்படும் தயிரை ஃப்ரிட்ஜில் வைத்தால் அதிகபட்சமாக 6 முதல் 7 நாட்கள் வரை பயன்படுத்தலாம். இருப்பினும், நாட்களாக ஆகத் தயிர் அதிக புளிப்புச் சுவையைப் பெற்றுவிடும். கடைகளில் பாக்கெட்டில் வாங்கப்படும் தயிர் என்றால், அதில் குறிப்பிடப்பட்டுள்ள காலாவதி தேதிக்கு முன்னுரிமை அளித்து உட்கொள்வது அவசியமாகும்.
தயிரில் இருந்து வழக்கத்திற்கு மாறான கடுமையான துர்நாற்றம் வீசுவது, சுவை அளவுக்கு அதிகமாகப் புளிப்பது, வெள்ளையாக இருக்கும் தயிரின் நிறம் மஞ்சளாக மாறுவது போன்றவை அது கெட்டுப்போனதற்கான அறிகுறிகளாகும். குறிப்பாகத் தயிரின் மேற்பரப்பில் பூஞ்சை காளான் தோன்றினால் அதை முற்றிலும் தூக்கி எறிந்துவிட வேண்டும். தயிரைப் பயன்படுத்தும்போது ஈரமில்லாத சுத்தமான உலர்ந்த கரண்டியைப் பயன்படுத்துவதும், காற்றுப் புகாத பாத்திரத்தில் அடைத்து வைப்பதும் தயிர் கெட்டுப்போகாமல் நீண்ட நாட்கள் புத்துணர்ச்சியுடன் இருக்க உதவும்.