தில்லியில் தனது பிறந்தநாளை ஆடம்பரமாகக் கொண்டாடுவதற்காக, 17 வயது சிறுவன் ஒருவன் ரூ.16,000 வாடகை கொடுத்து ஆடி காரை எடுத்துள்ளார். நண்பர்களுடன் சேர்ந்து நகரின் சாலையில் அதிவேகமாகவும் கவனக்குறைவாகவும் காரை ஓட்டிச் சென்றபோது, கட்டுப்பாட்டை இழந்த அந்த சொகுசு கார் அடுத்தடுத்து மூன்று வாகனங்கள் மீது பயங்கரமாக மோதி பெரும் விபத்தை ஏற்படுத்தியது.
இந்த கோர விபத்தில் சாலையில் சென்று கொண்டிருந்த ஒருவர் சம்பவ இடத்திலேயே பரிதாபமாக உயிரிழந்தார்; மேலும் சிலர் பலத்த காயமடைந்து மருத்துவமனையில் அனுமதிக்கப்பட்டனர். ஆடம்பர மோகத்தாலும் பொறுப்பற்ற வேகத்தாலும் ஏற்பட்ட இந்த விபத்து, அப்பகுதி மக்களிடையே பெரும் அதிர்ச்சியையும் சோகத்தையும் ஏற்படுத்தியது.
சம்பவம் குறித்து வழக்குப் பதிவு செய்த போலீசார், விபத்தை ஏற்படுத்திய சிறுவனைப் பிடித்து விசாரணை நடத்தி வருகின்றனர். மேலும், ஓட்டுநர் உரிமம் இல்லாத ஒரு மைனர் சிறுவனுக்கு சட்டவிரோதமாக காரை வாடகைக்குக் கொடுத்த நபர்கள் மீதும் கடுமையான சட்ட நடவடிக்கைகளை காவல்துறை தீவிரப்படுத்தியுள்ளது.