மதுரை அரசு மருத்துவமனையில் காயமடைந்த தனது நண்பனுக்கு உடனடியாகச் சிகிச்சை அளிக்கக் கோரி இளைஞர் ஒருவர் கடும் ரகளையில் ஈடுபட்டுள்ளார். சம்பவ இடத்திற்கு விரைந்து வந்த காவல்துறையினர் அவரைச் சமாதானப்படுத்த முயன்றும், போதையில் இருந்த அந்த இளைஞர் காவல்துறையினரின் அறிவுரையையும் கேட்காமல் தொடர்ந்து ரகளையில் ஈடுபட்டு வந்துள்ளார்.
ஒரு கட்டத்தில் எல்லை மீறிய அந்த இளைஞர், அவசர சிகிச்சைப் பிரிவில் இருந்த ஈசிஜி மானிட்டர் ஒயரைப் பிடித்து பலவந்தமாக இழுத்து மருத்துவமனை உபகரணங்களைச் சேதப்படுத்த முயன்றுள்ளார். மருத்துவமனை வளாகத்தில் பெரும் பரபரப்பையும் அச்சத்தையும் ஏற்படுத்திய அந்த வாலிபரை அக்ரஹாரம்/உசிலம்பட்டி காவல் துறையினர் உடனடியாகக் கைது செய்து வழக்குப்பதிவு செய்து தீவிர விசாரணை நடத்தி வருகின்றனர்.