தெலங்கானா மாநிலத்தில் வெளிப்புற விளம்பரத் துறையில் சட்டப்பூர்வமான தொழில் வாய்ப்புகளைப் பெற ‘மிதுனா ஆட்ஸ்’ நிறுவனத்தின் உரிமையாளரான கே. சோபா ரெட்டி கடந்த 3 ஆண்டுகளாகப் போராடி வருகிறார்.
இது தொடர்பாக உதவி கோருவதற்காகத் தெலங்கானா முதல்வர் ரேவந்த் ரெட்டியின் நெருங்கிய உதவியாளர் ஒருவரை அவர் அணுகியபோது, இது பற்றிப் பேசுவதற்குத் தனியாக ஒரு விருந்தினர் இல்லத்திற்கு வருமாறு அந்த உதவியாளர் அழைத்துள்ளார். இந்தச் சம்பவம் தனக்கு கடும் மன உளைச்சலையும் அசௌகரியத்தையும் ஏற்படுத்தியதாகச் சோபா ரெட்டி தெரிவித்துள்ளார்.
பொதுவெளியில் சம்பந்தப்பட்ட நபர் மீது தனிப்பட்ட குற்றச்சாட்டுகளைச் சுமத்தவோ அல்லது பெயரை வெளியிடவோ விரும்பவில்லை என்று கூறிய அவர், முதல்வர் ரேவந்த் ரெட்டி இந்த விவகாரத்தில் உடனடியாகத் தலையிட்டு அரசு சார்ந்த அனைத்துச் சந்திப்புகளும் வெளிப்படையாகவும், கண்ணியமான அரசு அமைப்புகளின் வாயிலாகவும் நடைபெறுவதை உறுதி செய்ய வேண்டும் என வலியுறுத்தியுள்ளார். இச்சம்பவம் தெலங்கானா அரசியல் மற்றும் தொழில்துறையில் பெரும் பரபரப்பை ஏற்படுத்தியுள்ளது.