ஜமுய் பகுதியில் சிறுவனுக்குத் தாக்குதலும், சிறுமிக்கு எதிராய் அநாகரீக நடத்தையும் இழைக்கப்பட்ட காணொளி இணையத்தில் வேகமாகப் பரவியதை அடுத்து, அதுதொடர்பாக மூன்று சிறுவர்களைக் காவல்துறையினர் காவலில் எடுத்துள்ளனர். இதுகுறித்து வழக்குப் பதிவு செய்துள்ளதாக ஜமுய் காவல் கண்காணிப்பாளர் விஷ்வஜித் தயாள் தெரிவித்துள்ளார். மேலும், இந்தச் சம்பவத்தைச் தீர விசாரிக்க ஜமுய் துணைக் காவல் கண்காணிப்பாளர் தலைமையில் சிறப்பு விசாரணைக் குழு அமைக்கப்பட்டுள்ளது.
காணொளியில் உள்ள நபர்களின் அடையாளங்களை வைத்து சிறப்பு விசாரணைக் குழுவினர் தீவிர சோதனை நடத்தி வருகின்றனர். இதுவரை மூன்று சிறுவர்கள் காவலில் எடுக்கப்பட்டுள்ள நிலையில், மேலும் இருவர் அடையாளம் காணப்பட்டு அவர்களைக் கைது செய்யும் முயற்சிகள் நடைபெற்று வருகின்றன. அதோடு, சிறுமியிடம் தவறாக நடந்துகொண்ட முக்கிய குற்றவாளியும் அடையாளம் காணப்பட்டுள்ளதாகவும், அவரை விரைவில் பிடிக்கக் காவல்துறையினர் நடவடிக்கை எடுத்து வருவதாகவும் காவல் கண்காணிப்பாளர் குறிப்பிட்டுள்ளார்.
https://x.com/HateDetectors/status/2102016958476804124/video/1
ஜமுய் மாவட்டத்தின் புகழுக்குக் களங்கம் விளைவிக்க முயற்சிப்பவர்கள் மீது கடுமையான நடவடிக்கை எடுக்கப்படும் என்று எஸ்.பி தயாள் எச்சரித்துள்ளார். வழக்கு விசாரணை தொடர்ந்து நடைபெற்று வருவதாகவும், சிறப்பு விசாரணைக் குழு சேகரிக்கும் ஆதாரங்களின் அடிப்படையில் அடுத்தகட்ட நடவடிக்கைகள் எடுக்கப்படும் என்றும், விசாரணையின் போக்கில் மேலும் பலர் கைது செய்யப்படலாம் என்றும் காவல்துறையினர் தெரிவித்துள்ளனர்.