விநாயகர் சதுர்த்தி பண்டிகையைக் குடும்பத்துடன் கொண்டாட முடியாத விரக்தியில் இருந்த ஏர் இந்தியா விமானப் பணிப்பெண் ஒருவருக்கு, 35,000 அடி உயரத்தில் நடுவானில் மேகக்கூட்டங்களுக்கு நடுவே பாப்பாவின் அருள் கிடைத்த நெகிழ்ச்சியான சம்பவம் இணையத்தில் வைரலாகி வருகிறது.
ஏர் இந்தியா நிறுவனத்தில் பணிபுரியும் அனுராதா சோனி என்ற பணிப்பெண், கடைசி நேரத்தில் பணி நேரம் மாற்றப்பட்டதால் தனது வீட்டில் விநாயகர் சதுர்த்தி பூஜையில் கலந்துகொள்ள முடியாமல் மிகுந்த மனவருத்தத்துடன் பணிக்குச் சென்றுள்ளார். ஆனால், அவர் பயணித்த அதே விமானத்தில் பயணி ஒருவர் சிறிய விநாயகர் சிலை ஒன்றை எடுத்து வந்துள்ளார்.
https://www.instagram.com/reel/DdRFZjINLiF/?utm_source=ig_web_copy_link&stkn=NTc4MTIwNjQ2YQ==
இதைக் கண்டதும் அதிர்ச்சியும் ஆனந்தம் அடைந்த அனுராதா சோனி, 35,000 அடி உயரத்தில் பறந்து கொண்டிருந்த விமானத்திலேயே விநாயகர் சிலையை கைகூப்பி மனமுருகிப் பிரார்த்தனை செய்து பாப்பாவின் ஆசீர்வாதத்தைப் பெற்றார். “நான் எங்கு சென்றாலும் என் கணபதி என்னோடுதான் இருப்பார் என்பதை உணர்ந்த தருணம் இது” என அவர் நெகிழ்ச்சியுடன் பதிவிட்ட வீடியோ, இன்ஸ்டாகிராமில் 65 லட்சம் பார்வைகளைக் கடந்து இணையவாசிகளின் இதயங்களை வென்று வருகிறது.