வருவாய்த்துறையில் பட்டா மாறுதல் கோரி விண்ணப்பிப்போரின் எண்ணிக்கை கணிசமாக அதிகரித்துள்ளதாகத் தெரிவிக்கப்பட்டுள்ளது. சேவை வழங்குவதில் கொண்டு வரப்பட்ட வேகத்தின் காரணமாக, கடந்த ஜூலை மாதத்தில் மட்டும் 1.68 லட்சம் பட்டா மாறுதல் விண்ணப்பங்கள் பெறப்பட்டு, அதில் 1.31 லட்சம் விண்ணப்பங்களுக்கு 30 நாள்களுக்குள்ளாகவே தீர்வு காணப்பட்டுள்ளன.
அதேபோல, நில உட்பிரிவு தேவைப்பட்ட 1.71 லட்சம் விண்ணப்பங்களில் 1.39 லட்சம் மனுக்கள் மீதான பரிசீலனைகள் வெற்றிகரமாக முடிக்கப்பட்டு பட்டாக்கள் வழங்கப்பட்டுள்ளன. குறுகிய காலக்கெடுவிற்குள் அரசுத் துறை விரைந்து நடவடிக்கை எடுத்து பட்டா மாறுதல் ஆணைகளை வழங்கி வருவதே, மக்களிடையே இதற்கான வரவேற்பையும் விண்ணப்பங்களின் எண்ணிக்கையையும் அதிகரிக்கச் செய்துள்ளது.