குடியாத்தம் சட்டமன்றத் தொகுதியின் தவெக எம்.எல்.ஏ சிந்து, சட்டமன்றப் பேரவையில் ‘தனி’ தொகுதி என்ற வார்த்தைப் பயன்பாட்டுக்கு தனது கடுமையான ஆட்சேபனையைத் தெரிவித்தார். சட்டப்பேரவையில் உரையாற்றிய அவர், தாழ்த்தப்பட்ட மற்றும் பழங்குடியின மக்களுக்கான இடஒதுக்கீட்டுத் தொகுதிகளைக் குறிக்கப் பயன்படுத்தப்படும் ‘தனி’ என்ற சொல் ஒருவித ஒதுக்கிவைப்பு உணர்வைத் தருவதாகக் குறிப்பிட்டார். அதற்கு மாற்றாக, அச்சொல்லை ‘சிறப்பு’ அல்லது ‘உரிமை’ என்ற வார்த்தைகளைக் கொண்டு மாற்றியமைக்க வேண்டும் என்றும், இது சமூகநீதி மற்றும் சமத்துவத்தை வெளிப்படுத்தும் வகையில் இருக்கும் என்றும் அவர் வலியுறுத்தினார்.
எம்.எல்.ஏ சிந்துவின் இந்த முற்போக்கான கோரிக்கையை ஏற்றுக்கொண்ட அவைத் தலைவர் JCD பிரபாகர், அவரது ஆக்கப்பூர்வமான கருத்தை உடனடியாகப் பாராட்டி வரவேற்பதாகத் தெரிவித்தார். மேலும், இப்பேரவையில் எழுப்பப்பட்ட இந்த முக்கியமான சமூகக் கோரிக்கையை மாண்புமிகு முதலமைச்சர் விஜய்யின் கவனத்திற்கு உடனடியாகக் கொண்டு செல்வதாகவும், இதுகுறித்து உரிய ஆலோசனைகள் நடத்தப்படும் என்றும் அவர் உறுதியளித்தார். இச்சந்திப்பு சட்டமன்ற வட்டாரங்களில் பெரும் வரவேற்பைப் பெற்றுள்ளது.