உத்தரப் பிரதேசத்தில் கங்கையாற்றின் கரையில் வழக்கம்போல் அமைதியாகத் தொடங்கிய ஒரு நாள், கணப்பொழுதில் பேரதிர்ச்சியாக மாறியது. ஆற்றில் இறங்கி குளித்துக் கொண்டிருந்த இரண்டு சிறுமிகள், எதிர்பாராதவிதமாக நீரின் வலுவான நீரோட்டத்தில் சிக்கி ஆழமான பகுதிக்கு இழுத்துச் செல்லப்பட்டனர். ஆற்றின் வேகம் அவர்களை நிலைகுலைய வைக்க, காப்பாற்றுமாறு கூச்சலிட்டபடி நீருக்குள் மூழ்கத் தொடங்கினர்.
கரையிலிருந்து இதைக் கண்டு பதறிய அவர்களின் தந்தை, யோசிக்கக் கூட நேரமின்றி தன் மகள்களைக் காப்பாற்றும் ஒரே நோக்கத்தோடு கங்கையில் குதித்தார். ஆனால், கொந்தளிக்கும் ஆற்றின் நீரோட்டமும் சீறிப்பாயும் அலையும் அவருடைய முயற்சியை முறியடித்தன. இரு மகள்களையும் தன் பிடிக்குள் கொண்டுவர முடியாமல் அவர் தவித்ததோடு, அவரும் நீரோட்டத்தில் சிக்கி உயிருக்குப் போராடும் ஆபத்தான நிலை உருவானது.
https://twitter.com/Shahnawazreport/status/2091533808021459383/video/1
அந்த இக்கட்டான சூழலில், கரையில் நின்றுகொண்டிருந்த ராஜு என்பவர் சிறிதும் தயங்காமல் ஆற்றில் பாய்ந்தார். தன் உயிரைப் பணயம் வைத்து நீந்திச் சென்ற அவர், பேர போராட்டத்திற்குப் பிறகு தந்தை மற்றும் அவரது இரண்டு மகள்கள் என மூவரையும் பத்திரமாகக் கரை சேர்த்தார். ராஜுவின் இந்தத் துணிச்சலான வீரச்செயலும் அசாத்திய தைரியமும் அந்தப் பகுதி முழுவதிலும் பெரும் நெகிழ்ச்சியை ஏற்படுத்தியதோடு, மக்கள் அனைவராலும் போற்றப்பட்டு வருகிறது.