தமிழக அரசியலில் தனது புயல்வேகப் பிரசாரப் பாணியை மாற்றிப் புதிய பாதையைத் தேர்ந்தெடுத்துவிட்டதாகக் கருதப்பட்ட வீ தி லீடர்ஸ் அமைப்பின் தலைவர் அண்ணாமலை, தற்போது மீண்டும் தனக்கே உரிய ‘ஆடியோ அரசியலை’ கையில் எடுத்துள்ள சூழல் அரசியல் களத்தில் பரபரப்பை ஏற்படுத்தியுள்ளது.
2023-ல் நிதியமைச்சர் பி.டி.ஆர். பழனிவேல் தியாகராஜன் பேசியதாகக் கூறப்பட்ட ஆடியோக்களை வெளியிட்டு அப்போதைய ஆளுங்கட்சியான திமுகவுக்குப் பெரும் நெருக்கடியை உருவாக்கினார். தொடர்ந்து 2024-ல் 2G விவகாரம் தொடர்பாக ஆ.ராசா மற்றும் ஜாபர் சேட் பேசிக்கொண்டதாகச் சொல்லப்படும் ஆடியோ கிளிப்பை வெளியிட்டு அதிரடி கிளப்பினார். அந்த வரிசையில், தவெக அமைச்சர்கள் கமிஷன் மற்றும் லஞ்சம் கேட்பது தொடர்பான ஆடியோ ஆதாரம் தன்னிடம் இருப்பதாக தற்போது எழும்பூரில் நடைபெற்ற கூட்டத்தில் எச்சரிக்கை விடுத்துள்ளதன் மூலம், தமிழக அரசியல் வட்டாரத்தில் மீண்டும் ஆடியோ விவாத புயலைக் கிளப்பியுள்ளார்.