தமிழக சட்டப்பேரவையில் இன்று நடைபெற்ற மானியக் கோரிக்கை மீதான விவாதத்தின்போது, தமிழக வெற்றிக் கழகத்தின் அமைச்சர் ரஞ்சித்குமார் பேசுகையில் மறைந்த முன்னாள் முதலமைச்சர் கலைஞர் கருணாநிதியின் பெயரை நேரடியாகக் குறிப்பிட்டுப் பேசியதால் அவையில் கடும் வாக்குவாதம் எழுந்தது.
இதற்கு திமுக உறுப்பினர்கள் உடனடியாகத் தமது பலத்த கண்டனத்தைப் பதிவு செய்த நிலையில், நிலைமையைக் கட்டுக்குள் கொண்டுவர தலையிட்ட முதலமைச்சர் விஜய், உதயநிதி ஸ்டாலினைப் பார்த்து, “தங்களது தலைவரின் பெயரை அநாகரிகமாகக் குறிப்பிட்டது தவறான செயல்தான். அதற்காக அவர் சார்பாக நான் மனப்பூர்வமாக மன்னிப்புக் கேட்டுக் கொள்கிறேன்” எனக் கூறி அவையின் நாகரிகத்தை நிலைநிறுத்தினார்.