உத்தரப் பிரதேச மாநிலம் ராம்பூர் மாவட்டம் பிலாஸ்பூர் பகுதியைச் சேர்ந்த நஸ்ரீன் (40) என்ற பெண்ணை, அவரது கணவர் இஸ்ரார் மற்றும் குடும்பத்தினர் இணைந்து கொடூரமாகக் கொலை செய்த சம்பவம் அதிர்ச்சியை ஏற்படுத்தியுள்ளது.
நஸ்ரீனின் தந்தை மறைவிற்குப் பிறகு அவரது சொத்துக்கள் மகள்களுக்குச் சொந்தமானது. 5 குழந்தைகளுக்குத் தாயான நஸ்ரீனிடம், அந்த நிலத்தை விற்றுப் பணம் தருமாறு கணவர் தரப்பில் தொடர்ந்து வற்புறுத்தி வந்ததாகக் கூறப்படுகிறது. ஆனால், குழந்தைகளின் எதிர்காலத்தைக் கருத்தில் கொண்டு நிலத்தை விற்க நஸ்ரீன் திட்டவட்டமாக மறுத்துவிட்டார்.
இதனால் ஆத்திரமடைந்த கணவர், நடு இரவில் நஸ்ரீனின் அந்தரங்க உறுப்பு உட்பட உடலின் 6 இடங்களில் கொடூரமாக மின்சாரம் பாய்ச்சி சித்திரவதை செய்து படுகொலை செய்துள்ளார். பிரேதப் பரிசோதனை அறிக்கையில் மின்சாரம் பாய்ச்சப்பட்டுக் கொலை செய்யப்பட்டது உறுதி செய்யப்பட்டதை அடுத்து, தலைமறைவாக இருந்த கணவரைப் பிலாஸ்பூர் காவல்துறையினர் கைது செய்து தீவிர விசாரணை நடத்தி வருகின்றனர்.