திரையுலகில் பல ஆண்டுகளாக எவர்கிரீன் நாயகியாக முத்திரை பதித்து வரும் நடிகை த்ரிஷா, நடிப்பில் இருந்து ஓய்வுபெற்று தயாரிப்பில் களமிறங்க உள்ளதாக வெளியாகியுள்ள தகவல்கள் அவரது ரசிகர்களிடையே பேரதிர்ச்சியை ஏற்படுத்தியுள்ளன. சமீபத்தில் வெளியான ‘கருப்பு’ திரைப்படத்தில் தனது சிறந்த நடிப்பை வெளிப்படுத்தியிருந்த நிலையில், அவர் நடிப்பை நிறுத்துவதாகப் பரவும் இச்செய்தி கோலிவுட் வட்டாரத்தில் பெரும் விவாதத்தைக் கிளப்பியுள்ளது.
இருப்பினும், அவர் ஏற்கனவே நடித்து முடித்துள்ள ‘கர்ஜனை’, ‘சதுரங்க வேட்டை 2’, மோகன்லாலுடன் நடித்த ‘ராம்’ மற்றும் சிரஞ்சீவியுடன் இணைந்த ‘விஸ்வம்பரா’ ஆகிய எதிர்பார்ப்புமிக்க திரைப்படங்கள் அனைத்தும் இந்த ஆண்டிற்குள் திரைக்கு வரவிருப்பது, சோகத்தில் இருக்கும் ரசிகர்களுக்குச் சிறிய ஆறுதலாகவும் மிகப்பெரிய கொண்டாட்டமாகவும் அமைந்துள்ளது.