தமிழகத்தில் தவெக ஆட்சி விரைவில் கவிழும் என்று அனிதா ராதாகிருஷ்ணன் பேசியிருப்பது தற்பொழுது அரசியல் வட்டாரத்தில் பெரும் பரபரப்பை ஏற்படுத்தியுள்ளது. தனது பேட்டியில், தவெக சட்டமன்ற உறுப்பினர்கள் மீது முதலமைச்சர் விஜய்க்கு முழுமையான நம்பிக்கை இல்லை என்றும், குதிரை பேர அச்சத்தின் காரணமாகவே அவர்களைக் கட்டுக்கோப்பாகப் பாதுகாத்து வருகிறார் என்றும் அவர் சாடியுள்ளார்.
எனினும், ஒருகட்டத்தில் அதிருப்தியடையும் அக்கட்சியின் சட்டமன்ற உறுப்பினர்கள் நிச்சயம் கிளர்ந்தெழுவார்கள் என்றும், அன்று தவெக ஆட்சி தானாகவே கவிழும் என்றும் அவர் எச்சரித்துள்ளார். தவெக-வுக்குள் தற்போது புகைந்து வரும் உள்கட்சிப் பூசல்களைக் கூர்ந்து கவனித்தே அனிதா ராதாகிருஷ்ணன் இந்த அதிரடியான கருத்தை முன்வைத்துள்ளதாக அரசியல் விமர்சகர்கள் கணித்துள்ளனர்.