தமிழக அரசியலில் திருப்பங்களுக்குப் பஞ்சமில்லாத சூழலில், செங்கோட்டையனின் சமரசப் பேச்சுவார்த்தையை அடுத்து தமிழக வெற்றிக் கழகத்தில் இணைந்ததாகக் கூறப்படும் பெருந்துறை ஜெயக்குமாருக்கு, வரவிருக்கும் இடைத்தேர்தலில் போட்டியிட வாய்ப்பு வழங்கக் கூடாது என அந்த மாவட்ட மற்றும் ஒன்றிய நிர்வாகிகள் அதிரடியாகப் போர்க்கொடி தூக்கியுள்ளது தவெக வட்டாரத்தில் பெரும் பரபரப்பை ஏற்படுத்தியுள்ளது.
ஜெயக்குமாருக்கு ஒருவேளை கட்சித் தலைமை சீட் ஒதுக்கினால், அவருக்கு ஆதரவாக எந்தவொரு தேர்தல் களப்பணியிலும் ஈடுபடப் போவதில்லை என்று நிர்வாகிகள் திட்டவட்டமாகக் கூறிவிட்டதாக வெளியாகும் தகவல்கள், அக்கட்சியின் முக்கிய நிர்வாகியான KAS-க்கு கடுமையான கலக்கத்தையும், புதியதொரு சோதனையையும் ஏற்படுத்தியுள்ளதாக அரசியல் வட்டாரங்கள் முணுமுணுக்கின்றன.