கர்நாடக மாநிலம் சிக்கபல்லாபூரில் உள்ள பில்லப்பா வணிக வளாகத்தில் பெற்றோர் பொருட்கள் வாங்கிக் கொண்டிருந்தபோது, அவர்களது நான்கு வயதுக் குழந்தையான ககன் சிந்து முதல் தளத்தின் கைப்பிடிச் சுவரில் இருந்து தவறி விழுந்து படுகாயமடைந்த சம்பவம் பெரும் சோகத்தை ஏற்படுத்தியுள்ளது. தற்காலிகமாக கவனிக்க ஆள் இல்லாத நேரத்தில், அந்தக் குழந்தை கைப்பிடிச் சுவரில் ஏற முயன்றபோது எதிர்பாராதவிதமாக நிலைதடுமாறி அடித்தளத்தில் விழுந்துள்ளது. பார்ப்போரைக் பதற வைக்கும் இந்த விபத்தின் காட்சிகள் அங்கிருந்த சிசிடிவி கேமராவில் பதிவாகியுள்ளன.
https://twitter.com/HateDetectors/status/2076961672254861548/photo/1
இந்த விபத்தில் மிகக் கடுமையான காயமடைந்த குழந்தை உடனடியாக அருகில் உள்ள மருத்துவமனைக்குக் கொண்டு செல்லப்பட்டு, பின்னர் மேல் சிகிச்சைக்காக பெங்களூருவில் உள்ள மருத்துவமனைக்கு மாற்றப்பட்டு தீவிர சிகிச்சை பெற்று வருகிறது. இச்சம்பவம் பொது இடங்களில் குழந்தைகளின் பாதுகாப்பு குறித்த பெரும் கவலையை ஏற்படுத்தியுள்ள நிலையில், வணிக வளாகங்கள் மற்றும் மக்கள் நடமாட்டம் அதிகம் உள்ள பகுதிகளுக்குச் செல்லும்போது குழந்தைகளை ஒரு நொடி கூட தனியாக விடாமல், மிகுந்த கண்காணிப்புடன் கவனித்துக் கொள்ள வேண்டும் என்று அதிகாரிகள் மற்றும் சமூக ஆர்வலர்கள் பெற்றோர்களுக்கு வலியுறுத்தியுள்ளனர்