கேரள மாநிலம் பாலக்காடு மாவட்டம் ஆலத்தூரைச் சேர்ந்த 77 வயது முதியவரான கிருஷ்ணன் குட்டி, “கல்வி கற்க வயது ஒரு தடையல்ல” என்பதை உலகிற்கு நிரூபித்துக் காட்டியுள்ளார். கடந்த 1965-ஆம் ஆண்டு தனது 10-ஆம் வகுப்புப் படிப்பை முடித்த அவர், குடும்ப சூழ்நிலை காரணமாக மேற்கொண்டு படிக்க முடியாமல் மதுரைக்கு குடிபெயர்ந்தார். அங்குள்ள ஒரு பார்சல் சர்வீஸ் அலுவலகத்தில் பணியில் சேர்ந்த கிருஷ்ணன் குட்டி, கடந்த 2007-ஆம் ஆண்டு பணிநிறைவு பெற்றார். ஓய்வுக்குப் பிறகு ஆலத்தூர் நூலகத்தில் உறுப்பினராகி தொடர்ந்து புத்தகங்களையும், நாளிதழ்களையும் வாசித்து வந்த இவருக்கு, மீண்டும் கல்வி கற்க வேண்டும் என்ற ஆர்வம் மேலோங்கியது. இதன் காரணமாக, ஆலத்தூர் வட்டார எழுத்தறிவு மையத்தில் இணைந்து, வாரந்தோறும் ஞாயிற்றுக்கிழமைகளில் நடைபெற்ற வகுப்புகளில் மிகுந்த ஈடுபாட்டுடன் கலந்துகொண்டு படிக்கத் தொடங்கினார்.
அவரது இந்த விடாமுயற்சிக்கு தற்போது பெரும் பலன் கிடைத்துள்ளது. 10-ஆம் வகுப்பு முடித்து சுமார் 61 ஆண்டுகள் கடந்த நிலையில், தற்போது எழுதிய பிளஸ்-1 பொதுத்தேர்வில் 74 சதவீத மதிப்பெண்கள் பெற்று கிருஷ்ணன் குட்டி சாதனை படைத்துள்ளார். இத்துடன் தனது கல்விப் பயணத்தை நிறுத்திக்கொள்ளாத அவர், அடுத்த கட்டமாக ஆகஸ்டு மாதம் 1-ந் தேதி வரை நடைபெறவிருக்கும் பிளஸ்-2 தேர்வையும் எழுதத் தயாராகி வருகிறார். இந்த பிளஸ்-2 தேர்விலும் தடையின்றி வெற்றி பெற்று, அதன் பிறகு உயர்கல்வியாக பட்டப்படிப்பு (Degree) படிக்க வேண்டும் என்பதே தனது அடுத்த இலக்கு என்று கிருஷ்ணன் குட்டி நெகிழ்ச்சியுடன் தெரிவித்துள்ளார். சாதிக்கத் துடிக்கும் இளைஞர்களுக்கு