பார்ட்டி ஃபண்ட் விவகாரம் தொடர்பாகத் தமிழக முதல்வர் விஜய்யை, திமுக முன்னாள் அமைச்சர் ஆ.ராசா ஒருமையில் கடுமையாக விமர்சித்துப் பேசியுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. தஞ்சாவூரில் நடைபெற்ற பொதுக்கூட்டம் ஒன்றில் பேசிய அவர், முதல்வர் விஜய்யை “லூசு என்பதா, கிறுக்கு என்பதா என்று தெரியவில்லை” எனக் குறிப்பிட்டதோடு, “முதுகெலும்பில்லாத முதல்வர் மற்றும் அரைவேக்காட்டுத்தனமான அமைச்சர்களை வைத்துக் கொண்டு எங்களால் எப்படிப் பேரவையில் இருக்க முடியும்?” என்று காட்டமாகக் கேள்வி எழுப்பினார்.
மேலும், சட்டமன்றத்தில் ஃபண்ட் வாங்கியது எந்தக் கட்சி என்று முதல்வர் தெளிவாகக் குறிப்பிடாத காரணத்தினாலேயே திமுக உறுப்பினர்கள் அவையிலிருந்து வெளிநடப்பு செய்ததாக விளக்கிய ஆ.ராசா, தமிழக அரசின் செயல்பாடுகளையும் அதன் நிர்வாகத் திறனையும் மிகக் கடுமையான வார்த்தைகளால் சாடினார்.