தமிழக அரசியல் களத்தில் தற்போது ஒரு புதிய தகவல் பரபரப்பை ஏற்படுத்தியுள்ளது. அஇஅதிமுகவின் முன்னாள் ஒருங்கிணைப்பாளரான ஓ. பன்னீர்செல்வத்தை முதல்வர் விஜய்யின் தமிழக வெற்றிக் கழகத்தில் இணையுமாறு அவரது ஆதரவாளர்கள் தீவிரமாக வலியுறுத்தி வருவதாகக் கூறப்படுகிறது. திமுக கூட்டணியில் தங்களுக்கு இதுவரை எதிர்பார்த்த எந்தவொரு பதவியோ அல்லது முக்கியத்துவமோ கிடைக்காத அதிருப்தியே இந்த புதிய ஆலோசனைகளுக்குக் காரணம் என அரசியல் வட்டாரங்கள் தெரிவிக்கின்றன.
இருப்பினும், தனக்கு உரிய அங்கீகாரம் மற்றும் பதவி கிடைக்கும் என்ற நம்பிக்கை இன்னும் இருப்பதாகக் கூறி, தவெகவில் இணையும் யோசனையை ஓபிஎஸ் தற்போதைக்கு மறுத்துவிட்டதாகத் தெரிகிறது. இதனால் அதிருப்தியடைந்த அவரது ஆதரவாளர்கள் தனியாக ஆலோசனைகளில் ஈடுபட்டு வரும் நிலையில், ஓபிஎஸ்ஸின் மகனான ஓ.பி. ரவீந்திரநாத் தவெகவில் இணையும் முடிவில் உறுதியாக இருப்பதாக வெளியாகி வரும் கூடுதல் தகவல்கள், ஓபிஎஸ் அணியினரிடையே பெரும் சலசலப்பை ஏற்படுத்தியுள்ளது.