தமிழக வெற்றிக் கழகத்தில் நிர்வாகக் கட்டமைப்பை வலுப்படுத்தும் வகையில், புதிதாக 5 மாவட்டங்களை உருவாக்கி அக்கட்சியின் தலைவர் விஜய் அதிரடி அறிவிப்பை வெளியிட்டுள்ளார். இந்த புதிய நிர்வாகப் பிரிவுகளின்படி, காஞ்சி தெற்கு மாவட்டத்திற்கு முனிரத்தினம் MLA, திருவண்ணாமலை வடமேற்கு மாவட்டத்திற்கு அபிஷேக் MLA, நெல்லை வடக்கு மாவட்டத்திற்கு முருகன் MLA, நெல்லை தென்கிழக்கு மாவட்டத்திற்கு ரெட்டியார்பட்டி நாராயணன் MLA மற்றும் நெல்லை மத்தி மாவட்டத்திற்கு மரிய ஜாண் ஆகியோர் புதிய மாவட்டச் செயலாளர்களாக நியமிக்கப்பட்டுள்ளனர்.
கட்சியின் அடிமட்டப் பணிகளைத் தீவிரப்படுத்தவும், வரும் தேர்தல்களை எதிர்கொள்ளவும் மேற்கொள்ளப்பட்டுள்ள இந்த புதிய மாற்றத்தின் மூலம், தமிழக வெற்றிக் கழகத்தின் ஒட்டுமொத்த மாவட்டச் செயலாளர்களின் எண்ணிக்கை தற்போது 136-ஆக உயர்ந்துள்ளது என்பது குறிப்பிடத்தக்கது.