கள்ளக்குறிச்சி மாவட்டம் சங்கராபுரம் சட்டமன்ற உறுப்பினர் அலுவலகத்தை சி.வி.சண்முகம் இன்று திறந்து வைத்த நிகழ்வு, அதிமுகவுக்குள் பெரும் அரசியல் சலசலப்பை ஏற்படுத்தியுள்ளது. இந்த திறப்பு விழாவுக்கு முன்பாக அலுவலகத்தில் வைக்கப்பட்டிருந்த இடைக்காலப் பொதுச்செயலாளர் இ.பி.எஸ்.-இன் புகைப்படம் சி.வி.சண்முகத்தின் வருகையையொட்டி திடீரென அகற்றப்பட்டதாகக் கூறப்படுகிறது.
இதனால் அதிருப்தியடைந்த அதிமுக மாவட்டச் செயலாளர் குமரகுரு இந்த நிகழ்ச்சியைப் புறக்கணித்ததாகத் தெரிகிறது. ஓ.பி.எஸ் – இ.பி.எஸ் அணிப் பிரிவுக்குப் பிறகு சி.வி.சண்முகம் எடப்பாடி பழனிசாமியைச் சந்திக்காத நிலையில், தற்போது அவரது புகைப்படம் அகற்றப்பட்ட விவகாரம் அக்கட்சியினரிடையே பெரும் அதிர்ச்சியை ஏற்படுத்தியுள்ளது. இதன் பின்னணியில் சி.வி.சண்முகம் மற்றும் சங்கராபுரம் சட்டமன்ற உறுப்பினர் ராகேஷ் ஆகிய இருவரும் தங்களது பதவிகளை ராஜினாமா செய்யத் திட்டமிட்டுள்ளனரா என்ற பரபரப்பான கேள்வியும், விவாதமும் தற்போது தமிழக அரசியல் வட்டாரத்தில் பரவலாக எழுந்துள்ளது.