பாலியல் குற்ற வழக்குகளில் தமிழக வெற்றிக் கழகத்தின் நிர்வாகிகள் அடுத்தடுத்துக் கைது செய்யப்படுவது அக்கட்சியின் தலைவரும் தமிழக முதலமைச்சருமான விஜய்க்குப் பெரும் அதிர்ச்சியை ஏற்படுத்தியுள்ளது. சேலத்தில் பெண்களை நிர்வாணமாக வீடியோ எடுத்து மிரட்டிய விவகாரம், மற்றும் திருவாரூரில் பேருந்து நிலையத்தில் நின்றிருந்த பெண்ணை ஈவ்டீசிங் செய்த குற்றச்சாட்டு ஆகியவற்றில் தவெக நிர்வாகிகள் கைது செய்யப்பட்டுள்ளனர். இந்த அடுத்தடுத்த கைது நடவடிக்கைகள் கட்சித் தலைமைக்கு மிகப்பெரிய நெருக்கடியை உருவாக்கியுள்ளதாகத் தெரிகிறது.
இந்த விவகாரத்தை கையில் எடுத்துள்ள எதிர்க்கட்சிகள், தவெக நிர்வாகிகளின் இத்தகைய செயல்பாடுகள் மற்றும் சட்டம் ஒழுங்கு சீர்கேடுகள் குறித்துக் கடுமையான விமர்சனங்களை முன்வைத்து வருகின்றன. அக்கட்சியின் முக்கியப் பொறுப்புகளில் இருப்பவர்களே இதுபோன்ற பாலியல் அத்துமீறல் வழக்குகளில் சிக்கி வருவது மக்கள் மத்தியிலும், அரசியல் வட்டாரத்திலும் தற்போதைய தவெக அரசுக்கு எதிரானப் பெரும் விவாதங்களை முடுக்கிவிட்டுள்ளது.