குஜராத் மாநிலம் சூரத் மாவட்டத்திற்கு உட்பட்ட பார்டோலி நகரின் யுவா கிராம தேசிய நெடுஞ்சாலையில் ஒரு பயங்கர சாலை விபத்து நிகழ்ந்துள்ளது. சூரத்தில் இருந்து மகாராஷ்டிராவின் துலே நோக்கிச் சென்ற மகாராஷ்டிர மாநில அரசுப் பேருந்தும், சாலிஸ்கயோனில் இருந்து சூரத் நோக்கி வந்த மற்றொரு பேருந்தும் இந்த விபத்தில் சிக்கின. நெடுஞ்சாலையில் சென்று கொண்டிருந்தபோது, எதிர்பாராதவிதமாக ஒரு பேருந்து அங்கு வந்த டிராக்டர் மீது மோதியது.
டிராக்டர் மீது மோதிய வேகத்தில் கட்டுப்பாட்டை இழந்த அந்தப் பேருந்து, சாலையின் நடுவே இருந்த தடுப்புச் சுவரைத் (டிவைடர்) தாண்டி மறுபக்கத்திற்குப் பாய்ந்தது. அப்போது எதிரே வந்த மற்றொரு பேருந்தின் மீது அது மிகக் கொடூரமாக மோதியது. இரு பேருந்துகளும் நேருக்கு நேர் பயங்கரமாக மோதிக்கொண்ட இந்த விபத்தில், பேருந்துகளில் பயணம் செய்த 7 பயணிகள் பரிதாபமாக சம்பவ இடத்திலேயே உயிரிழந்தனர்.