தமிழக முதலமைச்சர் ஜோசப் விஜய், அண்மையில் நடந்து முடிந்த தேர்தலில் தனக்கு வாக்களித்து வெற்றி பெறச் செய்த மக்களுக்கு நேரில் நன்றி தெரிவிப்பதற்காகத் திருச்சி சென்றடைந்தார். சென்னை உள்நாட்டு விமான நிலையத்திலிருந்து தனி விமானம் மூலம் புறப்பட்ட அவர், திருச்சி சர்வதேச விமான நிலையத்தைச் சென்றடைந்தார். முதலமைச்சராகப் பொறுப்பேற்ற பிறகு அவர் திருச்சிக்கு மேற்கொள்ளும் முக்கியப் பயணம் இது என்பதால், விமான நிலைய வளாகத்தில் அவருக்கு உற்சாக வரவேற்பு அளிக்கப்பட்டது.
விமான நிலையத்தில் தமிழக அமைச்சர்கள், அரசு உயர் அதிகாரிகள், கட்சியின் முக்கிய நிர்வாகிகள் மற்றும் தொண்டர்கள் எனப் பெருந்திரளானோர் கூடி முதலமைச்சருக்குப் பூங்கொத்து வழங்கி, பொன்னாடை போர்த்தி சிறப்பான வரவேற்பை அளித்தனர். இதனைத் தொடர்ந்து, திருச்சியில் நடைபெறும் பொதுக்கூட்டம் மற்றும் நன்றி அறிவிப்பு நிகழ்ச்சிகளில் பங்கேற்று, தனக்கு ஆதரவளித்த வாக்காளப் பெருமக்களுக்கு அவர் தனது நன்றியையும் வாழ்த்துகளையும் நேரடியாகத் தெரிவிக்கவுள்ளார்.