தந்தையின் பாசத்திற்கும் அவரது நகைச்சுவை உணர்விற்கும் எல்லையே இல்லை என்பதை நிரூபிக்கும் வகையில் ஒரு நெகிழ்ச்சியான வீடியோ இணையத்தில் வைரலாகி வருகிறது. உடல் எடையை அதிகரிக்க (Bulk up) கடுமையாக முயற்சி செய்து வரும் தனது மகனுக்காக, ஒரு தந்தை வியக்கத்தக்க வகையில் சர்ப்ரைஸ் உணவுப் பொட்டலம் ஒன்றை தயாரித்து அனுப்பியுள்ளார். அந்த உணவோடு சேர்த்து அவர் எழுதியிருந்த சிறிய குறிப்புதான் தற்போது பலரது இதயங்களையும் வென்றுள்ளது.
அந்தக் குறிப்பில், “வாயை மூடிக்கொண்டு சாப்பிடு” (Just shut up & eat) என்று தந்தை தனது வழக்கமான பாணியில் செல்லமாகக் கட்டளையிட்டுள்ளார். அத்தோடு நிறுத்தாமல், அந்த உணவில் எவ்வளவு கலோரிகள் உள்ளன என்ற துல்லியமான கணக்கையும் அவர் எழுதியுள்ளார். “மொத்தம் 1,514 கலோரிகள்; சிக்கன் – 450 கி, அரிசி சாதம் – 300 கி, 2 முட்டைகள் மற்றும் நெய் சேர்க்கப்பட்டுள்ளது” என்று மிகத் துல்லியமாகக் குறிப்பிட்டு, மகனின் உடல்நல இலக்கிற்குத் தந்தை தன் பாசத்தை வெளிப்படுத்தியுள்ளார்.
இந்த வீடியோ சமூக ஊடகங்களில் பகிரப்பட்ட சில நிமிடங்களிலேயே லட்சக்கணக்கான பார்வைகளைப் பெற்று வைரலானது. “உலகிலேயே மிகச்சிறந்த தந்தை இவர்தான்” என்றும், “கண்டிப்பான வார்த்தைகளுக்குப் பின்னால் இருக்கும் தந்தையின் தூய்மையான அன்பு இது” என்றும் நெட்டிசன்கள் தங்களது கருத்துக்களை நெகிழ்ச்சியோடு பகிர்ந்து வருகின்றனர். மகனின் முயற்சிக்குத் துணையாக நிற்கும் இந்தத் தந்தையின் செயல் பலருக்கும் நெகிழ்ச்சியை ஏற்படுத்தியுள்ளது.