கிறிஸ்தவ தேவாலயத்தில் பைபிள் வகுப்பு நடந்து கொண்டிருந்த போது, அங்கிருந்தவர்களுக்கு அருகில் ஏதோ தவறான சத்தங்கள் கேட்பதாக சந்தேகம் எழுந்தது. தேவாலயத்திற்கு மிக அருகிலேயே ஒரு மசாஜ் சென்டர் (Spa) இயங்கி வந்துள்ளது. அங்கிருந்துதான் இந்த அசாதாரண சத்தங்கள் வருகின்றன என்பதை தேவாலயத்திற்கு வந்தவர்கள் கவனித்தனர்.
இதனைத் தொடர்ந்து, அந்த மசாஜ் சென்டரில் சட்டவிரோதமான மற்றும் ஒழுக்கக்கேடான செயல்கள் நடப்பதாகக் கூறி, தேவாலய நிர்வாகத்தினர் மற்றும் அங்கிருந்தவர்கள் காவல்துறைக்கு புகார் அளித்தனர். இந்த புகாரின் பேரில் சம்பவ இடத்திற்கு விரைந்த போலீசார், அந்த குறிப்பிட்ட மசாஜ் சென்டருக்குள் அதிரடி சோதனை நடத்தினர்.
போலீசாரின் தீவிர விசாரணையில், முறையான அனுமதியின்றி அந்த ஸ்பா இயங்கி வந்ததும், அங்கு மசாஜ் என்ற பெயரில் சட்டவிரோத பாலியல் தொழில்கள் நடந்து வந்ததும் உறுதி செய்யப்பட்டது. இதையடுத்து, அந்த சட்டவிரோத ஸ்பாவை போலீசார் உடனடியாக மூடி சீல் வைத்ததோடு, அங்கிருந்த சிலரைக் கைது செய்து தீவிர விசாரணை மேற்கொண்டு வருகின்றனர்.