மாணவர்களின் நலனைக் கருத்தில் கொண்டு, அவர்கள் தங்கும் விடுதிகள், போட்டித் தேர்வு பயிற்சி மையங்கள் மற்றும் டியூஷன் சென்டர்கள் அருகே புகையிலைப் பொருட்கள் விற்பனைக்குத் தடை விதிக்கத் தமிழக அரசு திட்டமிட்டுள்ளது. ஏற்கனவே பள்ளி மற்றும் கல்லூரி வளாகங்களுக்கு அருகே போதைப் பொருட்கள் விற்பனை செய்யத் தடை உள்ள போதிலும், மாணவர்களிடையே புகையிலை மற்றும் போதைப் பொருட்கள் பயன்படுத்தும் பழக்கம் தொடர்வதை முற்றிலுமாகத் தடுக்கும் நோக்கில் இந்த அதிரடி நடவடிக்கை எடுக்கப்படவுள்ளது.
மாணவர்களின் எதிர்காலத்தைப் பாதுகாக்கும் இந்த முக்கியத் திட்டத்தைப் பொது சுகாதாரத்துறை தீவிரமாகத் திட்டமிட்டு செயல்படுத்தவுள்ளது. கல்வி நிலையங்கள் மட்டுமின்றி, மாணவர்கள் அதிகம் கூடும் மற்றும் தங்கும் பகுதிகளையும் போதை இல்லாத மண்டலங்களாக மாற்றுவதே இந்த புதிய முயற்சியின் முக்கிய நோக்கமாகும் எனத் தெரிவிக்கப்பட்டுள்ளது. தமிழக அரசின் இந்த ‘ஹேப்பி நியூஸ்’ மாணவர்களின் பெற்றோர்கள் மற்றும் சமூக ஆர்வலர்கள் மத்தியில் பெரும் வரவேற்பைப் பெற்றுள்ளது.