அமெரிக்க வெளியுறவுத்துறை வெளியிட்டுள்ள புதிய அறிக்கையின்படி, ஈரானின் சட்டவிரோத எண்ணெய் வர்த்தகத்திற்கு ஒத்துழைக்கும் அல்லது அதன் எரிசக்தி தயாரிப்புகளை வர்த்தகம் செய்யும் எந்தவொரு நிறுவனத்திற்கும் எதிராக அமெரிக்கா கடுமையான பொருளாதார தடைகளை விதிக்கும் என்று எச்சரித்துள்ளது. ஈரான் தனது அணுசக்தி திட்டத்தை மேம்படுத்துவதற்கும், பிராந்தியத்தில் பதற்றத்தை ஏற்படுத்துவதற்கும் பயன்படுத்தும் நிதி ஆதாரங்களைத் தடுக்கும் நோக்கில் இந்த நடவடிக்கை எடுக்கப்பட்டுள்ளது.
இந்த கடுமையான உத்தரவின் ஒரு பகுதியாக, ஈரானின் கச்சா எண்ணெய் மற்றும் பெட்ரோகெமிக்கல் பொருட்களை சட்டவிரோதமாக எடுத்துச் சென்ற 8 நிறுவனங்கள் மற்றும் அதற்குப் பயன்படுத்தப்பட்ட 8 கப்பல்களை முடக்கப்பட்ட சொத்துகளாக அமெரிக்கா அதிகாரப்பூர்வமாக அறிவித்துள்ளது. இதன் மூலம் சர்வதேச எரிசக்தி சந்தையில் ஈரானின் வர்த்தகத்தை முடக்கி, அந்நாட்டின் மீதான பொருளாதார அழுத்தத்தை அதிகரிக்க அமெரிக்கா திட்டமிட்டுள்ளது.