டாஸ்மாக் கடைகளில் காலி மதுபாட்டில்களைத் திரும்பப் பெறும் திட்டத்திற்குக் கடும் எதிர்ப்பு தெரிவித்து, டாஸ்மாக் ஊழியர்கள் திடீரென காலவரையற்ற வேலைநிறுத்தப் போராட்டத்தில் குதித்துள்ளனர். இதன் காரணமாக, சேலம், திருப்பூர், ஈரோடு மற்றும் நாமக்கல் ஆகிய மாவட்டங்களில் தற்போது வரை டாஸ்மாக் கடைகள் எதுவும் திறக்கப்படாததால் மதுப்பிரியர்கள் பெரும் ஏமாற்றத்துடன் திரும்பிச் சென்று கொண்டிருக்கின்றனர். மேலும், தங்களது கோரிக்கைகளை வலியுறுத்தி ஊழியர்கள் அனைவரும் மாவட்ட மற்றும் மண்டல டாஸ்மாக் அலுவலகங்களை முற்றுகையிட்டுத் தொடர் முழக்கப் போராட்டத்தில் ஈடுபட்டு வருவதால் அந்தந்தப் பகுதிகளில் பலத்த போலீஸ் பாதுகாப்புடன் பெரும் பரபரப்பான சூழல் நிலவி வருகிறது.
