குழந்தைகள் புதிய பொம்மையைப் பார்த்தால் அது வேண்டுமென விரும்புவார்கள், ஆனால் இரண்டு நாட்களிலேயே அது போர் அடித்துவிடும் என்பதால் அதைத் தூக்கி எறிந்துவிடுவார்கள் என்று திமுக இளைஞரணி அமைப்பாளர் கூட்டத்தில் மு.க.ஸ்டாலின் பேசியுள்ளார். அப்படித்தான் ஒரு நடிகரின் கட்சிக்கு மக்கள் தற்போது வாக்கு அளித்துள்ளனர் என்றும், இன்னும் கொஞ்ச நாட்களில் அதன் மீதான ஆர்வம் (Interest) மக்களுக்கு முற்றிலும் போய்விடும் என்றும் அவர் விமர்சித்துள்ளார்.
பொம்மைகளைத் தூக்கி எறிந்த பிறகு குழந்தைகள் மீண்டும் தங்களது அம்மாவைத் தேடி ஓடுவது போல், தமிழ்நாட்டு மக்கள் இன்னும் சில நாட்களில் திமுகவைத்தான் பெரும் ஏக்கத்துடன் தேடி வருவார்கள் என்று அவர் உறுதியாகக் குறிப்பிட்டுள்ளார். நடிகர் விஜய் அரசியல் கட்சி தொடங்கி தேர்தலில் களம் கண்ட சூழலில், மு.க.ஸ்டாலினின் இந்த “புதிய பொம்மை” ஒப்பீடு அரசியல் வட்டாரத்தில் பெரும் பரபரப்பை ஏற்படுத்தியுள்ளது.