முன்னாள் முதல்வர் கருணாநிதியின் பேத்தியும் மு.க.அழகிரியின் மகளுமான கயல்விழி, சென்னை தலைமைச் செயலகத்தில் தமிழக வெற்றிக் கழகத்தின் (தவெக) அமைச்சர்களை நேரில் சந்தித்துப் பேசியுள்ளார். தமிழக வெற்றிக் கழகத் தலைவர் விஜய் தமிழ்நாட்டின் முதலமைச்சராகப் பதவியேற்ற விழாவிலும் கயல்விழி அழகிரி பங்கேற்றிருந்த நிலையில், அவர் தவெகவில் இணைந்து மதுரை மேயர் பதவியைக் குறிவைப்பதாக அரசியல் வட்டாரங்களில் பலத்த தகவல் வெளியானது.
இந்தப் பரபரப்பான சூழலில், தற்போதைய சந்திப்பு குறித்து விளக்கமளித்த கயல்விழி அழகிரி, தான் முதலமைச்சரை நேரில் சந்திக்கவில்லை என்றும், அமைச்சர்களை மட்டுமே மரியாதை நிமித்தமாகச் சந்தித்ததாகவும் தெளிவுபடுத்தியுள்ளார். விஜய்யின் அரசியல் வருகை தமிழக அரசியலில் பெரும் தாக்கத்தை ஏற்படுத்தும் என அவர் ஏற்கனவே கருத்து தெரிவித்திருந்ததால், இந்த அமைச்சர்கள் சந்திப்பு தற்பொழுது பெரும் விவாதப் பொருளாக மாறியுள்ளது.