தமிழக அரசியலில் தற்போதைய முதலமைச்சர் விஜய் மேற்கொண்டுள்ள அமைச்சரவை மாற்றங்கள், குறிப்பாக வன்னி அரசுக்கு ஒதுக்கப்பட்ட இலாகா, அரசியல் நோக்கர்களிடையே பெரும் கவனத்தைப் பெற்றுள்ளது. கடந்த காலங்களில் “ஆதி திராவிடர் நலத்துறை” என்று அழைக்கப்பட்ட துறையை, தற்போதைய அரசு “சமூக நீதித்துறை” என பெயர் மாற்றம் செய்துள்ளது. ஆதி திராவிடர் மற்றும் பழங்குடியின மக்களின் ஒட்டுமொத்த முன்னேற்றத்தையும் உள்ளடக்கியதாக இத்துறை இனி செயல்படும் என அறிவிக்கப்பட்டுள்ளது.
இந்த பெயர் மாற்றமும், புதிய இலாகா ஒதுக்கீடும் வெறும் அடையாள அரசியல் மட்டுமல்லாமல், சமத்துவத்தை நோக்கிய ஒரு முக்கிய நகர்வாகவே பார்க்கப்படுகிறது. குறிப்பிட்ட சமூகப் பிரிவினருக்கான திட்டங்களை ‘நலன்’ என்ற பொதுவான சொல்லாடலுக்குள் சுருக்குவதை விட, ‘சமூக நீதி’ என்ற பரந்த கோட்பாட்டின் கீழ் கொண்டு வருவது சமூக மாற்றத்திற்கு வித்திடும் என பலரும் கருத்து தெரிவித்துள்ளனர். அரசின் இந்த முற்போக்கான முன்னெடுப்பிற்கு பல்வேறு அரசியல் தலைவர்களும் சமூக ஆர்வலர்களும் தங்களது பாராட்டுகளைத் தெரிவித்து வருகின்றனர்.