பரமக்குடி அரசு பெண்கள் மேல்நிலைப் பள்ளியில் படித்து வரும் மாணவி அபினிஷா, நடந்து முடிந்த 10-ஆம் வகுப்பு பொதுத்தேர்வில் 495 மதிப்பெண்கள் பெற்று மிகச்சிறந்த சாதனையைப் படைத்துள்ளார். அரசுப் பள்ளியில் படித்து இந்த அரிய சாதனையை அவர் நிகழ்த்தியிருப்பது அனைவரின் கவனத்தையும் ஈர்த்துள்ளது.
அவர் பெற்றுள்ள மதிப்பெண்களின் விவரம்: தமிழில் 99, ஆங்கிலத்தில் 98, கணிதத்தில் 100, அறிவியலில் 98 மற்றும் சமூக அறிவியலில் 100 மதிப்பெண்கள் என மொத்தம் 500-க்கு 495 மதிப்பெண்கள் பெற்று அசத்தியுள்ளார். குறிப்பாக கணிதம் மற்றும் சமூக அறிவியல் ஆகிய இரு பாடங்களில் அவர் முழு மதிப்பெண்கள் (100-க்கு 100) பெற்றுள்ளார் என்பது குறிப்பிடத்தக்கது.
அரசுப் பள்ளிக்கு பெருமை சேர்த்துள்ள மாணவி அபினிஷாவிற்கு அவருடைய பள்ளி ஆசிரியர்கள், பெற்றோர் மற்றும் உறவினர்கள் எனப் பலரும் தங்களது நெஞ்சார்ந்த பாராட்டுகளைத் தெரிவித்து வருகின்றனர். மேலும், அவர் எதிர்காலத்தில் இதுபோல இன்னும் பல சாதனைகளைப் படைக்க வேண்டும் எனப் பலரும் தங்களது வாழ்த்துக்களைக் கூறி மகிழ்கின்றனர்.