தமிழக அரசியலில் பெரும் பரபரப்பை ஏற்படுத்தியுள்ள தவெக (தமிழக வெற்றிக் கழகம்) அமைச்சரவை உருவாக்க விவகாரத்தில், அதிமுக தரப்புக்கு இடம் கிடைக்காது என முதலமைச்சர் விஜய் தன்னிடம் உறுதியளித்துள்ளதாக விசிக தலைவர் திருமாவளவன் தெரிவித்துள்ளார். இந்த அறிவிப்பு, தவெக அமைச்சரவையில் எப்படியாவது இடம் பிடித்துவிடலாம் என்று கணக்கு போட்டிருந்த அதிமுகவின் எஸ்பி. வேலுமணி தரப்புக்கு மிகப்பெரிய அதிர்ச்சியை கொடுத்துள்ளது.
முன்னதாக, தவெக அமைக்கும் அமைச்சரவையில் அதிமுகவுக்கு முக்கியத்துவம் அளிக்கப்பட்டால், தாங்கள் அரசுக்கு அளிக்கும் ஆதரவை மறுபரிசீலனை செய்ய நேரிடும் என இடதுசாரி கட்சிகளான சிபிஎம் மற்றும் சிபிஐ ஏற்கனவே எச்சரித்திருந்த நிலையில், தற்போது விசிகவும் அதே கடுமையான நிலைப்பாட்டையே எடுத்துள்ளதாக திருமாவளவன் சுட்டிக்காட்டியுள்ளார். கூட்டணிக் கட்சிகளின் இந்த தொடர் அழுத்தங்கள் மற்றும் முதலமைச்சரின் திட்டவட்டமான உறுதிமொழி காரணமாக, தவெக-அதிமுக இடையேயான தற்போதைய அரசியல் நகர்வுகள் முற்றிலுமாக முடக்கப்பட்டு, தமிழக கூட்டணி அரசியலில் புதிய திருப்பம் ஏற்பட்டுள்ளது.