தமிழகத்தில் புதிய குடும்ப அட்டைகளுக்கு (ரேஷன் கார்டுகள்) விண்ணப்பித்த பொதுமக்களுக்கு மிக விரைவில் ஒப்புதல் கிடைக்க உள்ளதாக மகிழ்ச்சியான தகவல் வெளியாகியுள்ளது. தமிழகத்தில் புதிய அரசு பொறுப்பேற்றுள்ள சூழலில், நீண்ட நாட்களாக நிலுவையில் இருந்த புதிய ஸ்மார்ட் கார்டு வழங்கும் பணிகள் தற்போது மீண்டும் துரிதப்படுத்தப்பட்டு வருகின்றன.
ஏற்கனவே விண்ணப்பித்து, தகுதியான நபர்களின் வீடுகளில் கள ஆய்வு (Field Verification) முடிவடைந்த விண்ணப்பங்களுக்கு உடனடியாக ஒப்புதல் அளிக்கப்பட்டு வருகிறது. மேலும், தற்போது புதிதாக விண்ணப்பிக்கும் நபர்களுக்கும் அதிகபட்சமாக 3 மாதங்களுக்குள் புதிய ரேஷன் கார்டுகள் வழங்கப்பட்டுவிடும் என்று தெரிவிக்கப்பட்டுள்ளது. இதற்காக பொதுமக்கள் TNPDS அதிகாரப்பூர்வ இணையதளம் மூலம் வீட்டிலிருந்தபடியே எளிதாக விண்ணப்பிக்கலாம்.