அமமுகவின் மத்திய சென்னை கிழக்கு மாவட்டச் செயலாளர் சேப்பாக்கம் ராஜேந்திரன், அக்கட்சியின் பொதுச்செயலாளர் டி.டி.வி. தினகரனுக்கு எழுதிய அதிரடி கடிதத்துடன் கட்சியிலிருந்து விலகுவதாக அறிவித்துள்ளார். கட்சி தொடங்கிய நோக்கத்தை மறந்துவிட்டு, எடப்பாடி பழனிசாமிக்குத் துதிபாடும் தினகரனின் சுயநலப் போக்கைக் கடுமையாகச் சாடியுள்ள அவர், இதுவே தனது விலகலுக்குக் காரணம் எனக் குறிப்பிட்டுள்ளார். ஏற்கனவே திருச்சி மற்றும் ராமநாதபுரம் மாவட்டச் செயலாளர்களான செந்தில்நாதன் மற்றும் முருகன் ஆகியோர் கட்சியிலிருந்து வெளியேறிய நிலையில், தற்போது ராஜேந்திரனும் விலகியிருப்பது அமமுக வட்டாரத்தில் பெரும் பரபரப்பை ஏற்படுத்தியுள்ளது.
