சேலத்தில் தொடங்கி வைக்கப்பட்டுள்ள ‘சிங்கப்பெண்’ அதிரடிப் படை, தமிழக அரசியலில் ஒரு முக்கிய மைல்கல்லாகப் பார்க்கப்படுகிறது. தமிழக முதல்வராக விஜய் பொறுப்பேற்றவுடன் கையெழுத்திட்ட முதற்கட்டத் திட்டங்களில் ஒன்றான இது, தற்போது முழு வீச்சில் செயல்பாட்டுக்கு வந்துள்ளது. பெண்களின் பாதுகாப்பு மற்றும் அவசரத் தேவைகளை உறுதி செய்யும் நோக்கில் இந்தச் சிறப்புப் படை உருவாக்கப்பட்டுள்ளது.
இந்த அதிரடிப் படையில் ஒரு காவல் உதவி ஆணையாளர், ஒரு காவல் உதவி ஆய்வாளர், இரண்டு சிறப்பு காவல் உதவி ஆய்வாளர்கள் மற்றும் இரண்டு பெண் தலைமை காவலர்கள் என மொத்தம் ஆறு பேர் கொண்ட குழுவினர் பணியாற்றுவர். இவர்கள் பயன்படுத்தும் ரோந்து வாகனத்தில் அதிநவீனத் தொடர்பு சாதனங்கள் பொருத்தப்பட்டிருப்பதால், புகார்கள் மீது உடனுக்குடன் நடவடிக்கை எடுக்கவும், களத்தில் துரிதமாகச் செயல்படவும் வழிவகை செய்யப்பட்டுள்ளது.