அமேசான் நிறுவனத்தில் புதிய கால்சட்டை (Trousers) ஆர்டர் செய்த ஒரு இளம்பெண்ணுக்கு, கற்பனை செய்து பார்க்க முடியாத அளவிற்கு ஒரு கசப்பான அனுபவம் கிடைத்துள்ளது. வீட்டிற்கு வந்த பார்சலை பிரித்த போதே அது மிகவும் தரம் குறைந்த முறையில் பேக் செய்யப்பட்டிருந்தது அந்தப் பெண்ணுக்கு சந்தேகத்தை ஏற்படுத்தியது. உள்ளே இருந்த கால்சட்டையை வெளியே எடுத்தபோது, அது புதியது அல்ல என்பதும், ஏற்கனவே யாரோ பயன்படுத்திய பழைய துணி என்பதும் தெரியவந்தது. அந்த ஆடை அழுக்காகவும், ஆங்காங்கே சுருக்கங்களுடனும் காணப்பட்டதால் அந்தப் பெண் அதிர்ச்சியடைந்தார்.
https://www.instagram.com/reel/DYP995XzItQ/?utm_source=ig_web_copy_link
இந்த விவகாரத்தில் உச்சக்கட்ட அதிர்ச்சி என்னவென்றால், அந்த கால்சட்டையின் பையிலிருந்து ஒரு நபரின் வாக்காளர் அடையாள அட்டை (Voter ID) மற்றும் ஒரு ரசீது ஆகியவை வெளியே வந்துள்ளன. அந்த அடையாள அட்டையில் சம்பந்தப்பட்ட நபரின் புகைப்படம், பெயர் மற்றும் வீட்டு முகவரி என அனைத்து விவரங்களும் தெளிவாக இருந்தன. அதாவது, யாரோ ஒருவர் அந்த ஆடையை வாங்கி, நன்றாகப் பயன்படுத்திய பிறகு அமேசானிடமே திருப்பி அளித்துள்ளார் (Return). அமேசான் நிறுவனம் அதைச் சரியாகப் பரிசோதிக்காமல், மீண்டும் புதியது போல பேக் செய்து இந்த இளம்பெண்ணுக்கு அனுப்பியுள்ளது அம்பலமாகியுள்ளது.
வாடிக்கையாளர்கள் புதிய பொருட்கள் கிடைக்கும் என்ற நம்பிக்கையில் ஆன்லைனில் ஆர்டர் செய்யும் நிலையில், அமேசான் போன்ற முன்னணி நிறுவனங்கள் இவ்வளவு அலட்சியமாகச் செயல்படுவது பெரும் கண்டனத்திற்கு உள்ளாகியுள்ளது. பயன்படுத்திய பழைய ஆடைகளை, மற்றவர்களின் தனிப்பட்ட ஆவணங்களுடன் சேர்த்து புதியது என ஏமாற்றி விற்பனை செய்வது அப்பட்டமான மோசடி என சமூக வலைதளங்களில் விமர்சனங்கள் எழுந்துள்ளன. ஆன்லைன் ஷாப்பிங் தளங்களின் தரம் மற்றும் நம்பகத்தன்மை குறித்து இந்தக் கோரமான சம்பவம் மிகப்பெரிய கேள்விக்குறியை ஏற்படுத்தியுள்ளது.