தமிழக முதலமைச்சராக தமிழக வெற்றிக் கழகத் தலைவர் விஜய் பொறுப்பேற்றுள்ள நிலையில், அவருக்குக் கர்நாடக முதல்வர் சித்தராமையா தொலைபேசி வாயிலாகத் தொடர்பு கொண்டு வாழ்த்து தெரிவித்துள்ளார். இந்த உரையாடலின் போது, “நீங்கள் ஒரு வரலாற்றுச் சாதனையைப் படைத்துள்ளீர்கள்” என்று சித்தராமையா விஜய்யைப் பாராட்டியுள்ளார். இது தொடர்பான வீடியோ தற்பொழுது சமூக வலைதளங்களில் வெளியாகி வைரலாகி வருகிறது.
விஜய்யின் பதவியேற்பு குறித்து தனது எக்ஸ் (X) தளத்தில் பதிவிட்டுள்ள சித்தராமையா, திரையுலகில் இருந்து மக்கள் சேவைக்காகத் தனது ஜனநாயகப் பயணத்தைத் தொடங்கியுள்ள விஜய்க்குத் தனது மனமார்ந்த வாழ்த்துகளைத் தெரிவித்துக் கொண்டுள்ளார். கர்நாடகமும் தமிழகமும் கலாச்சாரம் மற்றும் சமூக நீதி ஆகியவற்றில் நெருக்கமான பிணைப்பைக் கொண்டுள்ளதை அவர் அதில் சுட்டிக்காட்டியுள்ளார்.
மேலும், மதச்சார்பின்மை மற்றும் அரசியலமைப்பு விழுமியங்களைப் பாதுகாக்கவும், பாசிச சக்திகளுக்கு எதிராக இணைந்து போராடவும் விஜய்யுடன் இணைந்து பணியாற்ற ஆவலோடு இருப்பதாகச் சித்தராமையா குறிப்பிட்டுள்ளார். தமிழக மக்களுக்குச் சேவையாற்றும் விஜய்யின் பதவிக்காலம் வெற்றிகரமானதாக அமைய வேண்டும் என்றும் அவர் தனது வாழ்த்து செய்தியில் கூறியுள்ளார்.