தமிழக முதல்வர் விஜய், மாநிலத்தில் அதிகரித்து வரும் போதைப்பொருள் புழக்கத்தைக் கட்டுப்படுத்த 65 போதைப்பொருள் தடுப்புப்படை பிரிவுகளை உருவாக்க அதிரடி உத்தரவு பிறப்பித்துள்ளார். இன்று (மே 10) சென்னை தலைமைச் செயலகத்தில் உயர்மட்ட அதிகாரிகளுடன் நடத்திய விரிவான ஆலோசனைக்குப் பிறகு இந்த முக்கிய அறிவிப்பு வெளியானது. தமிழகத்தை ‘போதைப்பொருள் இல்லாத மாநிலமாக’ மாற்றுவோம் என்ற தனது தேர்தல் வாக்குறுதியை நிறைவேற்றும் வகையில், காவல்துறை கட்டமைப்பில் இந்த மாபெரும் மாற்றத்தை அவர் கொண்டு வந்துள்ளார்.
இந்தத் திட்டத்தின் கீழ், ஒவ்வொரு காவல் மாவட்டத்திற்கும் தலா ஒன்று வீதம் மொத்தம் 37 பிரத்யேக காவல் நிலையங்கள் மற்றும் போதைப்பொருள் கடத்தலைத் தடுக்க 65 சிறப்புப் படைகள் அமைக்கப்பட உள்ளன. இளைய தலைமுறையினரைச் சீரழிக்கும் போதைப்பொருள் கும்பல்களை வேரறுக்க இந்தச் சிறப்புப் படைகள் நேரடியாகச் செயல்படும். முதல்வரின் இந்த விரைவான நடவடிக்கை, சட்டம் ஒழுங்கைப் பலப்படுத்துவதோடு, சமூகப் பாதுகாப்பை உறுதி செய்வதில் தவெக அரசின் உறுதியான நிலைப்பாட்டைப் பறைசாற்றுகிறது.