தமிழக அரசியலில் அதிரடி திருப்பமாக, தமிழக வெற்றிக் கழகத் தலைவர் விஜய் ஆட்சி அமைக்க இந்திய யூனியன் முஸ்லிம் லீக் (IUML) தனது முழு ஆதரவைத் தெரிவித்துள்ளது. இரண்டு சட்டமன்ற உறுப்பினர்களைக் கொண்டுள்ள அக்கட்சி, தவெக-விற்கு ஆதரவு அளிப்பதற்கான அதிகாரப்பூர்வ கடிதத்தை அக்கட்சியின் பொதுச்செயலாளர் அருண்ராஜிடம் நேரில் வழங்கியது. ஏற்கனவே விடுதலை சிறுத்தைகள் கட்சி (VCK) விஜய்க்குத் தனது ஆதரவை உறுதிப்படுத்தியிருந்த நிலையில், தற்போது IUML கட்சியின் ஆதரவும் சேர்ந்துள்ளதால் தவெக கூட்டணியின் பலம் அதிகரித்துள்ளது.
இதன் மூலம், ஆட்சி அமைக்கத் தேவையான 118 இடங்கள் என்ற பெரும்பான்மை இலக்கைத் தாண்டி, விஜய்க்கு தற்போது மொத்தம் 120 எம்.எல்.ஏ-க்களின் ஆதரவு கிடைத்துள்ளது உறுதியாகியுள்ளது. இந்த திடீர் அரசியல் நகர்வுகள் தமிழக அரசியல் களத்தில் பெரும் பரபரப்பை ஏற்படுத்தியுள்ளதோடு, விஜய் தலைமையிலான புதிய அரசு அமைவதற்கான வாய்ப்புகளை பிரகாசப்படுத்தியுள்ளது.