தமிழ்நாடு பிளஸ் 2 தேர்வு முடிவுகள் வெளியாகும் தேதி குறித்த அதிகாரப்பூர்வ அறிவிப்பை பள்ளிக்கல்வித்துறை இயக்குநரகம் (DGE) வெளியிட்டுள்ளது. தேர்வு முடிவுகள் வெளியிடப்படும் நாள் குறித்த விவரம், முடிவு வெளியாவதற்கு ஒரு நாளைக்கு முன்னதாக முறைப்படி அறிவிக்கப்படும் என்று தெரிவிக்கப்பட்டுள்ளது. தற்போது தேர்வு முடிவுகளை இறுதி செய்யும் பணிகள் தீவிரமாக நடைபெற்று வருவதாகவும் டிஜிஇ குறிப்பிட்டுள்ளது.
முன்னதாக, மே 8-ம் தேதி பிளஸ் 2 ரிசல்ட் வெளியாகும் என்று தகவல்கள் பரவின. ஆனால், புதிய அரசு அமைவதில் ஏற்படும் காலதாமதம் காரணமாக, தேர்வு முடிவுகள் வெளியாவதும் சற்றே தள்ளிப்போக வாய்ப்புள்ளதாகக் கூறப்படுகிறது. மாணவர்கள் மற்றும் பெற்றோர்கள் அதிகாரப்பூர்வ அறிவிப்புக்காகக் காத்திருக்க அறிவுறுத்தப்படுகிறார்கள்.