தமிழக சட்டப்பேரவைத் தேர்தல் வாக்கு எண்ணிக்கையின் 3-வது சுற்று முடிவில், நடிகர் விஜய்யின் தமிழக வெற்றிக் கழகம் (தவெக) 100-க்கும் மேற்பட்ட தொகுதிகளில் முன்னிலை பெற்று அபாரமான வளர்ச்சியைப் பதிவு செய்துள்ளது. விஜய் சொற்பமான இடங்களில் மட்டுமே வெற்றி பெறுவார் என அரசியல் விமர்சகர்களால் கணிக்கப்பட்ட நிலையில், தற்போது ஆளுங்கட்சியையே பின்னுக்குத் தள்ளி தவெக முன்னணியில் இருப்பது அரசியல் வட்டாரத்தில் பெரும் வியப்பை ஏற்படுத்தியுள்ளது.
தற்போதைய நிலவரப்படி, அதிமுக 69 தொகுதிகளிலும், ஆளுங்கட்சியான திமுக 51 தொகுதிகளிலும் முன்னிலையில் உள்ளன. எதிர்பாராத இந்த அதிரடி மாற்றத்தால் திமுக தரப்பு மிகுந்த அதிர்ச்சியில் இருப்பதாகத் தகவல்கள் தெரிவிக்கின்றன. திராவிடக் கட்சிகளின் கோட்டையாகக் கருதப்படும் தமிழகத்தில், தவெக பெற்றுள்ள இந்த முன்னிலை ஒரு புதிய அரசியல் வரலாற்றின் தொடக்கமாகப் பார்க்கப்படுகிறது.