இந்திய வானிலை ஆய்வு மையம் (IMD) வெளியிட்டுள்ள சமீபத்திய அறிவிப்பின்படி, தென்மேற்கு வங்கக்கடல் மற்றும் அதனை ஒட்டிய தென்கிழக்கு அரபிக்கடல் பகுதிகளில் மே மாதம் இரண்டாவது வாரத்தில் புதிய குறைந்த காற்றழுத்த தாழ்வுப் பகுதி உருவாக அதிக வாய்ப்புள்ளது. இதன் காரணமாகவும், தமிழகத்தின் வழியே நிலவும் வளிமண்டல கீழடுக்கு சுழற்சி மற்றும் காற்றழுத்த தாழ்வு நிலை காரணமாகவும், இன்றும் நாளையும் மாநிலத்தின் பல்வேறு மாவட்டங்களில் கனமழை பெய்யக்கூடும் என எச்சரிக்கப்பட்டுள்ளது.
குறிப்பாக, வழக்கமாக ஜூன் மாதம் முதல் வாரத்தில் தொடங்கும் தென்மேற்கு பருவமழை, இந்த ஆண்டு முன்னதாகவே அதாவது மே இரண்டாவது வாரத்திலேயே தொடங்கும் என்று கணிக்கப்பட்டுள்ளது, இது கோடை வெப்பத்திலிருந்து பொதுமக்களுக்கு பெரும் நிம்மதியை அளிக்கும் என எதிர்பார்க்கப்படுகிறது.