தமிழ் சினிமாவின் முன்னணி நட்சத்திரமான அஜித்குமார், தற்போது தனது திரையுலகப் பயணத்திற்கு அப்பால் கார் பந்தயங்களில் தீவிர கவனம் செலுத்தி வருகிறார். இந்நிலையில், அவரது பிறந்தநாளை முன்னிட்டு மதுரை மாவட்ட ரசிகர்கள் ஒட்டியுள்ள போஸ்டர்கள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. “தகுதி இல்லாதவன் எல்லாம் நாட்டை ஆள நினைக்கிறான்” போன்ற அதிரடியான வாசகங்களுடன், தமிழக மக்களை அறிவார்ந்த சமூகமாக மாற்ற அஜித் அரசியலுக்கு வரவேண்டும் என ரசிகர்கள் அந்தப் போஸ்டர்கள் மூலம் அழைப்பு விடுத்துள்ளனர்.
தன்னைப் பின் தொடரும் ரசிகர் மன்றங்களைக் கலைத்துவிட்டு, “வாழு வாழ விடு” என்ற கொள்கையோடு அரசியலில் இருந்து அஜித் விலகியே இருந்து வருகிறார். இருப்பினும், அவரது பிறந்தநாள் போன்ற முக்கிய தருணங்களில் ரசிகர்கள் தொடர்ந்து அவருக்கு அரசியல் அழைப்பு விடுப்பதை வழக்கமாகக் கொண்டுள்ளனர். மதுரையில் ஒட்டப்பட்ட இந்த லேட்டஸ்ட் போஸ்டர்கள் தற்போது சமூக வலைதளங்களில் வைரலாகி வருவதுடன், அஜித்தின் அரசியல் நிலைப்பாடு குறித்த விவாதத்தையும் மீண்டும் ஒருமுறை தூண்டியுள்ளது.