தமிழக வெற்றிக் கழகத்தின் (தவெக) தலைவரும் நடிகருமான விஜய், சென்னை நீலாங்கரையில் உள்ள வாக்குச்சாவடியில் தனது வாக்கினைப் பதிவு செய்தார். 2026 தமிழ்நாடு சட்டப்பேரவைத் தேர்தலில் தவெக தனித்துப் போட்டியிடும் நிலையில், கட்சியின் முதல் தேர்தலிலேயே வேட்பாளராகவும் தலைவராகவும் களம் கண்டுள்ள விஜய், ஜனநாயகக் கடமையை ஆற்றுவதற்காக நேரில் வந்திருந்தார். அவர் வாக்குச்சாவடிக்கு வந்தபோது, அவரைப் பார்ப்பதற்காக ஏராளமான தொண்டர்களும் ரசிகர்களும் திரண்டதால் அந்தப் பகுதியில் மிகுந்த உற்சாகமும் பரபரப்பும் நிலவியது.
#Watch | வாக்களித்தார் விஜய்! #SunNews | #TNElectionWithSunNews | #TVKVijay pic.twitter.com/wQPja4kSn0
— Sun News (@sunnewstamil) April 23, 2026
தனது வாக்கைப் பதிவு செய்த பின்னர் செய்தியாளர்களைச் சந்தித்த விஜய், “வாக்களிப்பது ஒவ்வொரு குடிமகனின் உரிமை மற்றும் கடமை” என்று வலியுறுத்தினார். குறிப்பாக, முதல்முறை வாக்காளர்கள் மற்றும் இளைஞர்கள் அதிக அளவில் வந்து வாக்களிக்க வேண்டும் என்று அவர் கேட்டுக்கொண்டார். இம்முறை அவர் நீலாங்கரையில் உள்ள தனது இல்லத்திலிருந்து மிகவும் எளிமையான முறையில் வந்து வாக்களித்தது அனைவரின் கவனத்தையும் ஈர்த்தது. இவரது வருகையை ஒட்டி பலத்த போலீஸ் பாதுகாப்பு போடப்பட்டிருந்தது குறிப்பிடத்தக்கது.