டெல்லியில் கூலி வேலை தேடி குடிபெயர்ந்த ஏழை குடும்பத்தைச் சேர்ந்த சிறுமி, வறுமையின் பிடியில் சிக்கி கல்வி கற்க முடியாமல் தவித்துள்ளார். இக்கட்டான சூழலில், டெல்லி காவலர் தான் சிங் நடத்தி வரும் இலவசப் பயிற்சி மையத்தில் சேர்ந்த அந்தச் சிறுமி, அங்குத் தீவிரமாகப் பயின்று தற்போது பத்தாம் வகுப்பு பொதுத்தேர்வில் வெற்றி பெற்றுள்ளார். தேர்வு முடிவுகள் வெளியானதும், “அம்மா… நான் பாஸ் பண்ணிட்டேன்” என்று தழுதழுத்த குரலில் அவர் தனது தாயிடம் கூறிய வார்த்தைகள், அவர் சந்தித்த ஒட்டுமொத்த போராட்டங்களின் வெற்றியைப் பறைசாற்றியது.
இது வெறும் தேர்வு முடிவு மட்டுமல்ல, கனவுகளைத் துரத்திய ஒரு ஏழை மகளின் விடாமுயற்சிக்குக் கிடைத்த மிகப்பெரிய வெற்றியாகப் பார்க்கப்படுகிறது. காவலர் தான் சிங்கின் தன்னலமற்ற சேவையும், அந்தச் சிறுமியின் கடின உழைப்பும் இணைந்து இன்று ஒரு குடும்பத்தின் தலையெழுத்தையே மாற்றியுள்ளது. வறுமை என்பது கல்விக்குத் தடையல்ல என்பதை மெய்ப்பித்துள்ள இந்தச் சம்பவம், பலருக்கு ஒரு சிறந்த முன்னுதாரணமாகவும் சமூக வலைதளங்களில் பலரின் பாராட்டுக்களையும் பெற்று வருகிறது.